ለጉርሴ ኮሬ የመጀመርያ ደረጃ ትምሕርት ቤት የተለያዩ አይነት እና መጠን ያላቸው የተማሪ መቀመጫ ወንበሮች፣ የቤተ መጻሕፍት ወንበር እና ጠረጴዛን ጨምሮ የተለያዩ ለመማር ማስተማር ሂደት ጉልሕ ሚና የሚጫወቱ ቁሳቁሶችን በመለገሱ የምስጋና ሰርተፍኬቱ ሊበረከትለት ችሏል፡፡ የተሰጡ ቁሳቁሶች በምን አይነት ሁኔታ ላይ እንደሚገኙ የኮሌጁ ልኡካን ቦታው ድረስ በመገኝ ተመልክተዋል፡፡

የአዲስ አበባ ተግባረ ዕድ ፖሊቴክኒክ ኮሌጅ ለተከታታይ ዓመታት አቅም በፈቀደ መልኩ የተለያዩ የትምሕርት እና ስልጠና ተቋማትን በመደገፍ ለሃገር እድገት የበኩሉን አስተዋጽኦ እያበረከተ ይገኛል፡፡ አቶ ተስፋዬ አድማሱ (የኮሌጁ ዋና ዲን) በሰርተፍኬት መረከቢያ ስነ ሥርአቱ ላይ ድጋፉ እንደሚቀጥል ተናግረዋል፡፡